ბრენდის ისტორია
რატომ ვაკეთებთ იმას, რასაც ვაკეთებთ?
ჩვენთვის ძალიან მნიშვნელოვანი იყო და დიდი სურვილი გვქონდა ისეთი საქმე გვეკეთებინა, რაც ადამიანებს სიხარულს მიანიჭებდა და ცხოვრებას გაუხალისებდა. ყოველთვის მოგვწონდა საჩუქრების კეთების პროცესი და ამით ერთმანეთისთვის დადებითი ემოციების გაზიარება. მივხვდით, რომ ამას თუ საქმედ ვაქცევდით, კიდევ უფრო სასიამოვნო და საინტერესო იქნებოდა.
სახელწოდება ო’დელლა” ო’ჰენრის კეთილი საშობაო მოთხრობიდან “მოგვთა საჩუქრებიდან” დაიბადა. მთავარი გმირი დელლა და მისი ქმარი სიყვარულით არჩევენ საჩუქრებს და ამით გადასცემენ ერთმანეთს დიდ ემოციას და ბედნიერებას.
ჩვენი მისიაც ამ ემოციების გაზიარება და ადამიანების გაბედნიერებაა.
ო’დელლა ქმნის საჩუქრებს შენთვის და შენი საყვარელი ადამიანებისთვის.
იმისთვის, რომ შევქმნათ ჩვენი ხელნაკეთი კოლექციები, ვთანამშრომლობთ საქართველოში მოღვაწე ხელოვან ადამიანებთან, დიზაინერებთან, ხელოსნებთან და მკერავებთან. თითოეული ნამუშევარი ასახავს ქართველი ხალხის წარმოუდგენელ უნარებს, კულტურას, მემკვიდრეობას და შემოქმედებითობას.
„დავაგროვოთ ბედნიერი წამები“
„შენთვის გულით შექმნილი“
რა ხდის ო’დელლას საჩუქრებს კიდევ უფრო განსაკუთრებულს?
ჩვენ ვქმნით დიზაინს, ვაწარმოებთ და მომხმარებელს ვთავაზობთ მაღალი ხარისხის ხელნაკეთ პროდუქტებს და სხვადასხვა თემატიკის ნაკრებებს.
გულწრფელად გვეამაყება, რომ ქართული და ხარისხიანი პროდუქტი არის ჩვენთან ხელმისაწვდომი.
ო’დელლას მოტივაციას სძენს ის, რომ ჩვენ მუდმივად ხელს ვუწყობთ ქალი მეწარმეების გაძლიერებას; ქალების, რომლებსაც სჭირდებათ და შეუძლიათ სახლიდან მუშაობა, რაც განსაკუთრებით მინიშვნელოვანია მათთვის, რადგან სხვაგვარად ვერ შეძლებდნენ ოჯახურ საქმეებზე ზრუნვას.
და ბოლოს,
ჩვენ მუდმივად ვართ სწავლის და განვითარების პროცესში, რომ გავამართლოთ ჩვენი მომხმარებლის მოლოდინი და ვუპასუხოთ გამოწვევებს.
გვეამაყება, რომ ო’დელლა არის დასაჩუქრების ხელოვნება და ვემსახურებით ამ მისიას.
დაგვიკავშირდით
-
2/4 შოთა რუსთაველის გამზ., თბილისი
სავაჭრო ცენტი გალერია თბილისი
მე-3 სართული, ქართველი დიზაინერები - info@odella.ge
- 10:00 - 22:00